Татарстанда эпидемиологик хәл аркасында 4 мәктәп ябылган
26 нчы гыйнварга булган мәгълүматларга караганда, республикада 466 мең 207 укучы һәм 31 801 укытучы көн саен иртәнге медицина фильтрын уза. Бүгенге көндә «иртәнге фильтр» ны үтә алмаган укучылар саны 884 бала (1 сентябрьдән 36 920) тәшкил итә.
120 мәктәптә класслар таратылды. Дүрт мәктәп, авырулар санын булдырмас өчен, вакытлыча укудан азат ителгән (1 мәктәп - Минзәләдә, 2 мәктәп - Лаешта һәм 1 мәктәп - Зәй муниципаль районында).
Тагын бер кат ата-аналардан үтенәбез: чирләү сәбәпле вакытлыча дәресләрдән азат ителгән балалар бер-берсе белән элемтәгә керергә һәм җәмәгать урыннарына барырга тиеш түгел.
Моннан тыш, исегезгә төшерәбез, Татарстанга 12-17 яшьлек яшүсмерләр өчен «Спутник М» вакцинасының беренче партиясе килде. Прививка ата-аналарның язма ризалыгы белән генә үткәрелә.