Педагог һөнәре абитуриентлар арасында популярлык буенча өченче урынга чыкты
2021 елда иң кирәкле юнәлешләр булып "Сәламәтлек саклау", "Мәгълүмат һәм исәпләү техникасы", "Педагогик белем", "Юриспруденция" һәм "Икътисад" тора. Потенциаль педагогларның саны беренче тапкыр юридик юнәлешләргә керүчеләр саныннан артып китте. Соңгы ике елда гына да "Мәгариф һәм педагогик фәннәр" юнәлеше буенча кабул итү 10 меңгә якын кешегә артты (2020 елда - 66 587; 2021 елда - 75 677; 2022 елда - 75 788 кеше).
"Без хәзерге яшьләрдә «педагог» сүзенең «абруй» сүзе белән ассоциацияләнүен күрәбез. Һәм безгә бу юлны сайлаган барлык яшьләрнең иртәгәсе көнгә, үз эш урыннарына ышануы мөһим. Һәм безнең барлык инициативаларыбыз һәм педагогларга ярдәм итү программалары шуңа юнәлтелгән, - дип билгеләп үтте Россия мәгариф министры Сергей Кравцов. - Популярлык артканнан соң, кабул итү сыйфаты да арта".
Россия Мәгариф һәм фән министрлыгының "Россиянең киләчәк буын укытучысы" проекты кысаларында педагогик вузларның уку шартлары, шулай ук профессор-укытучылар составын әзерләү һәм квалификацияләрен күтәрү программалары күзлегеннән модернизацияләү гамәлгә ашырыла. Бу максатларга 2021 елда 5 миллиард сумга якын акча юнәлдерелгән.