Россия робот техникасы олимпиадасының республика этабында җиңүчеләр игълан ителде: алар Татарстан данын федераль ярышларда яклаячак

2022 елның 19 мае, пәнҗешәмбе

Иннополис Университеты базасында узган ачык ярышларда Татарстанның һәм Калуга өлкәсенең 53 мәктәбеннән 75 команда составында 148 укучы катнашты. Катнашучылар өч категориядә чыгыш ясадылар — төп, иҗади һәм спорт. Казан, Иннополис, Буа, Олы Кайбыч, Обнинск, Минзәлә һәм Биклән укучылары иң яхшылар дип табылды.

Төп категориядә катнашучылар өч яшь төркемендә LEGO платформасының NXT, EV3, SPIKE PRIME/Inventor конструкторларында бурычларны үтәүгә программалаштырдылар: газонны сакларга һәм чүп үләннәрен җыярга, янгынны сүндерергә, куркыныч химик матдәләр күчерергә һәм коткару хезмәтләренә фабрикадагы кешеләрнең хәле турында мәгълүмат бирергә, авыруларны карарга һәм хастаханә буенча объектлар күчерергә.