Рособрнадзор: имтиханнарда кәгазь белән проблема булмаячак

2022 елның 20 мае, җомга

ТДИ һәм БДИ материаллары өчен кәгазь яки бланклар белән бернинди проблема да юк.

"Без төбәк министрлыклары һәм мәктәпләре имтиханнарга барлык чыгым материалларын әзерләсен өчен кулдан килгәннең барысын да эшләдек, - диде мәгариф һәм фән өлкәсендә күзәтчелек федераль хезмәте башлыгы Анзор Музаев пәнҗешәмбе көнне кайнар линия вакытында. - Кәгазь дә, картриджлар да бар".

"Боларның барысын да дәүләт бирә. Кайдадыр ата-аналардан кәгазь алып килүләрен таләп итәләр яки ТДИ һәм БДИ үткәрү өчен акча җыялар икән, безгә мөрәҗәгать итегез, мондый очракны аерым тикшерәчәкбез. Чыгарылыш сыйныф укучысы берни дә алып килергә тиеш түгел", - дип ассызыклады Мәгариф һәм фән өлкәсендә күзәтчелек федераль хезмәте башлыгы.