«Чит илләрдә Россия укытучысы» проектында катнашу өчен гаризалар кабул итү дәвам итә
Илнең төрле төбәкләреннән килгән педагоглар 2022/23 уку елында «Чит илләрдә Россия укытучысы» проектында катнашырга чакырыла.
Проектны Россия Мәгариф һәм фән министрлыгы 2017 елдан гамәлгә ашыра.
Биш ел эчендә ул алты илдә: Вьетнам, Монголия, Сербия, Кыргызстан, Таҗикстан һәм Үзбәкстанда эшләүче 200дән артык педагогны берләштерде.
Сербиядә математика, информатика, физика, химия һәм биология укытучыларын көтәләр. Вьетнамда һәм Монголиядә рус теле укытучылары кирәк. Таҗикстанда рус теле һәм әдәбияты, математика, физика, химия, биология, география, информатика укытучылары кирәк. Үзбәкстанда рус теле һәм әдәбияты укытучылары, Кыргызстанда – рус теле һәм әдәбияты, математика һәм физика укытучылары, шулай ук башлангыч сыйныф укытучылары вакансияләре ачылды.
Проектта катнашучыларның педагогик стажы өзелми, укытучыларга, хезмәт хакыннан тыш, торак һәм медицина иминияте дә биреләчәк. Шулай ук транспорт чыгымнарын эш урынына кадәр һәм кире кайтару гарантияләнә.
Өстенлек мәктәпләрдә эш тәҗрибәсе булган кандидатларга, шулай ук соңгы өч ел дәвамында аттестация узган укытучыларга бирелә. Кадрлар резервына эләгергә теләүчеләргә анкета тутырырга һәм резюмены һәм мәгариф турында дипломның күчермәсен электрон адреска җибәрергә кирәк: interdom.kadrovik@mail.ru гаризалар 2022 елның 30 июненә кадәр кабул ителә.