«Ел мастеры» бәйгесендә Казан педагогика көллиятеннән Наталья Королева җиңү яулады
Татарстан Республикасы Мәгариф һәм фән министрлыгы, Татарстан Республикасы Мәгарифне үстерү институты белән берлектә, Россия Федерациясе халык мәгарифе һәм фән хезмәткәрләре һөнәр берлегенең Татар республика оешмасы ярдәме белән, 2022 елның 1 апреленнән 20 маена кадәр «Ел мастеры» Бөтенроссия конкурсының республика этабы булып узды.
Бәйге ике этапта узды:
беренче этап (мәгълүмати материалларны бәяләү) - 1 апрельдән 14 апрельгә кадәр;
икенче этап (конкурс чараларын бәяләү) - 15 апрельдән 20 майга кадәр.
57 гариза һәм мәгълүмати материаллар комплекты алынды һәм тикшерелде, конкурсның икенче этабында катнашуга 54 производствога өйрәтү остасы/уку дисциплиналары укытучысы, дисциплинаара курслар, һөнәри цикл практикасы кертелде. Төбәк эксперт комиссиясе 16 иң яхшы укытучыны һәм производствога өйрәтү остасын сайлап алды.
25 майда Казан педагогика көллияте базасында һөнәри белем бирү оешмаларының производствога өйрәтү осталары арасында «Ел мастеры» Бөтенроссия конкурсының республика этабын бүләкләү тантанасы узды.
Конкурсантлар адресына котлау сүзләре белән һөнәри белем бирү идарәсе башлыгы Андрей Федоров, Гомумроссия белем бирү профсоюзының Татарстан республика оешмасы рәисе Ирина Проценко, Татарстан Республикасы Мәгарифне үстерү институтының беренче проректоры Равил Хәмитов чыгыш ясады.
Конкурсның җиңүчесе булып Казан педагогика көллияте укытучысы Наталья Королева танылды. Ул Татарстан данын «Ел мастеры» Бөтенроссия конкурсында яклаячак.