«Традицияләрнең тере җебе» Бөтенроссия балалар иҗат проектлары марафоны
2022 елның 1 мартыннан 30 маена кадәр мәгариф оешмаларында «Традицияләрнең тере җебе» дигән темага Бөтенроссия балалар иҗат проектлары марафоны үткәрелә.
Марафонны Россия Федерациясе Мәгариф министрлыгының 2022 елга дәүләт биреме кысаларында «Россия мәгариф академиясенең сәнгать белеме һәм мәдәнияте институты» Федераль дәүләт бюджет фәнни учреждениесе үткәрә.
Марафонны үткәрүнең максаты - белем бирү учреждениеләренең Россия халыкларының мәдәни мирасына игътибар җәлеп итү буенча инновацион эшчәнлеген үстерү, халык сәнгатен популярлаштыру һәм мәдәни традицияләрне, тарих һәм мәдәният һәйкәлләрен, этномәдәни күптөрлелекне, барлык халыкларның мәдәни үзенчәлеген һәм этник җәмгыятьләрне саклау.
Марафонда Россия Федерациясе гомуми белем бирү оешмаларында һәм өстәмә белем бирү оешмаларында башкарылган балалар иҗат эшләре (фотографияләр яки сканнар) катнаша.
Марафон ике этапта уздырыла:
1 этап-2022 елның 1 мартыннан 15 апреленә кадәр;
2 этап-2022 елның 16 апреленнән 30 маена кадәр.