Россия төбәкләре «Ел мастеры» конкурсының икенче этабына йомгак ясыйлар
Россия Федерациясе субъектларында «Ел мастеры» Бөтенроссия конкурсының төбәк этабы тәмамлана. Конкурсны Россия Мәгариф һәм фән министрлыгы үткәрә.
Мәгариф министры Сергей Кравцов ассызыклаганча, «Ел мастеры» конкурсы һөнәри ярышлар линейкасында мөһим урын алып тора.
«Чынлыкта биредә Урта һөнәри белем бирү системасының заманча педагогы образы туа. Быел конкурс 2,5 меңнән артык укытучыны һәм производствога өйрәтү осталарын берләштерә. Сезнең һәркайсыгыз –һөнәрнең киләчәге. Тәҗрибә белән уртаклашырга, үсәргә, үз компетенцияләреңне һәм күнекмәләреңне киңәйтергә кирәк. «Профессионалитет» масштаблы программасы шартларында бу аеруча актуаль. Без сезнең тәҗрибәне киләчәктә дә аны гамәлгә ашырганда файдаланырга ниятлибез», - дип белдерде Министр, конкурсантларга мөрәҗәгать итеп.
Беренче этапта катнашучылар педагогик казанышларны раслаучы документлар пакетын тәкъдим иттеләр, икенче этапта алар ике биремне үтәделәр: халык алдында монологик чыгыш ясау күнекмәләрен күрсәттеләр һәм бер төркем укучылар белән дәресләр үткәрделәр.
Нәтиҗәләр буенча 2022 елның сентябрендә Екатеринбургта узачак Бөтенроссия этабында төбәк данын яклаячак җиңүчеләр билгеләнә. Биредә аларга белем бирү кейсларын башкарырга, онлайн-форматта дәресләр үткәрергә һәм тыңлаучыларның төрле категорияләре белән профориентацион эш алып барырга туры киләчәк.
Барлык конкурс биремнәре көллият студентларын әзерләү мәсьәләләрендә методик компетентлыкны һәм үз тәҗрибәсен күрсәтүгә юнәлдерелгән.