Россия Финанслар министрлыгы «Цифрлы ликбез» агарту проектын эшләтеп җибәрү турында игълан итә
Җәйге каникуллар вакытында балаларның буш вакыты күбрәк булачак, димәк, алар ешрак интернеттан файдаланачак, фильмнар караячак, мессенджерларда дуслары белән аралашачак. Күптән түгел үткәрелгән сораштыру мәгълүматларына караганда, балаларның 82% ы социаль челтәрләрдә таныш булмаган кешеләрдән дусларга гаризалар ала, балаларның 30% ы кибербулинг белән очраша, 14% балалар һәм 38% өлкәннәр онлайн - мошенниклык белән очраша. Күбесе үзләренең барлык аккаунтларына бер үк төрле пароль куллана һәм ышанчсыз wi-fi элемтәсенә кушыла.
«Цифрлы ликбез» проектының максаты – балаларны зарарлы контентны билгеләргә, үзләре турында мәгълүматны аңлы рәвештә бастырып чыгарырга, шәхси публикацияләрдән файдалануны чикләргә һәм цифрлы мәдәниятне сакларга өйрәтү», – дип билгеләп үтте Россия Федерациясе Финанслар министрлыгының программаларны һәм проектларны координацияләү департаменты директоры Татьяна Трубникова.