Россия Мәгариф һәм фән министрлыгы ДХР һәм ЛХР белем бирү оешмаларына ярдәм итәчәк
Россия, Донецк һәм Луган халык Республикаларының педагогик югары уку йортларының уртак проектлары мәгариф хезмәттәшлеген активлаштыру өчен нигез салалар. Бу хакта Россия Федерациясе мәгариф министры Сергей Кравцов Ростов-на-Дону шәһәрендә уза торган Россия, ДХР һәм ЛХР мәгариф оешмаларының беренче форумында чыгыш ясаганда белдерде.
Сергей Кравцов искәртеп узганча, 2022 елда ДХР һәм ЛХРда бердәм дәүләт имтиханы уздыру пунктлары булдырылган, имтихан штат режимында уза.
Моннан тыш, ведомство Донбасстан килгән педагогларга һәм идарә кадрларына һәрьяклап ярдәм күрсәтүне дәвам итәчәк. Аларның күбесе Россия Мәгариф һәм фән министрлыгы академиясе базасында укуларын узган инде.
Форумның беренче көнендә Россия Федерациясе Фән һәм югары белем бирү Министрлыгы белән Луганск Халык Республикасы Мәгариф һәм фән Министрлыгы һәм Донецк Халык Республикасы арасында югары белем бирү өлкәсендә хезмәттәшлек турында меморандумга кул куелды.
«Кансыз нацизм. Үткәне һәм хәзергесе» күргәзмәсе кысаларында тарихның актуаль мәсьәләләре буенча фикер алыштылар, хәзерге вакытта милләтчелек торгызуның сәбәпләрен анализладылар, бүген аңа каршы тору өчен мөмкин булган карарлар турында фикер алыштылар. Дискуссия «Вакыт дәва түгел» проекты кысаларында әйдәп баручы экспертлар катнашында үткәрелде.
Иртәгә, 4 июньдә, ЮФУ мәйданчыгында педагогик белем бирүне үстерү ассоциациясенең студентлар слеты һәм югары уку йортлары һәм һөнәри белем бирү оешмалары ректорлары белән очрашу планлаштырылган.