Татарстанда барлык мәктәпләр һәм колледжлар язгы финанс грамоталылыгы буенча онлайн-дәресләр сессиясендә катнашты
Россия Банкының онлайн-дәресләренең язгы сессиясе Татарстан мәктәпләренең һәм урта һөнәри белем бирү учреждениеләренең 100% ын колачлады. Әлеге сессия кысаларында республикада 8115 дәрес узды, аларда 104 меңнән артык укучы һәм 18 мең көллият, училище һәм техникум студенты катнашты.
Тыңлаучылар дәресләрдә шәхси финанс планлаштыру, керемнәр һәм чыгымнар белән идарә итү принциплары, банк карталарыннан куркынычсыз файдалану һәм киберкуркынычсызлык кагыйдәләре турында белделәр. Дәресләр темалары шулай ук вкладларга, кредитларга, иминиятләштерүгә һәм инфляциягә багышланган иде.
«Онлайн-дәресләр интерактив форматта уза һәм укучыларга туры эфирда финанс базары белгечләренә сораулар бирергә һәм квалификацияле җаваплар алырга мөмкинлек бирә. Укучылар алган белемнәрен "финанс грамоталылыгы уеннары" ярдәмендә каникулларда ныгыта алалар. Балалар ялын оештыручылар өчен Россия Банкы әлеге уеннарны уздыру методикасы буенча махсус вебинарлар үткәрә», – дип билгеләп үтә Россия Федерациясе Үзәк банкының Идел-Нократ баш идарәсенең Татарстан Республикасы буенча Милли банкы бүлеге идарәчесе Марат Шәрифуллин.
Тулаем алганда, Россия буенча финанс грамоталылыгы буенча онлайн – дәресләрнең язгы сессиясе 2,5 млн. нан артык карау җыйды. Дәресләрнең иң популяр темасы-шәхси Финанслар (1 миллионнан артык карау).