Тарих һәм физика буенча БДИ оештыру-технологик яктан тоткарлыкларсыз узды
Тарих һәм физика буенча имтиханнар 6 июньдә штат режимында узды. Тарих буенча БДИда катнашу өчен бу көнне 102,5 меңнән артык кеше теркәлгән, аларның 100 меңнән артыгы — агымдагы елны тәмамлаучылар, физикадан БДИда — 114 меңгә якын катнашучы, шуларның 112 меңгә якыны — агымдагы елны тәмамлаучылар.
Имтихан барышын җәмәгать күзәтүчеләре һәм мәгариф һәм фән өлкәсендә күзәтчелек федераль хезмәте хезмәткәрләре күзәтте. Башлангыч мәгълүматларга караганда, имтихан үткәрү тәртибен бозган өчен тарих һәм физика буенча БДИдан 28 кеше имтиханнан чыгарылган.
БДИны оештырганда Роспотребнадзор тарафыннан тәкъдим ителгән эпидемиологик куркынычсызлыкның барлык чаралары да үтәлгән. БДИ үткәрү пунктлары һәм алар янәшәсендәге территорияләр Эчке эшләр министрлыгы һәм Росгвардия хезмәткәрләре тарафыннан сакланды.
Тарих буенча БДИга билгеләнгән минималь балл 32 баллны тәшкил итә. Физика буенча БДИга билгеләнгән минималь балл-36 балл. Тарих һәм физика буенча имтиханда катнашучылар үз нәтиҗәләрен 22 июньнән дә соңга калмыйча алачаклар.
2022 елда БДИның төп чоры 26 майдан 2 июльгә кадәр уза. Аны 9 июньдә сайлау буенча иң массакүләм имтихан — җәмгыять белеме дәвам итәчәк.