Агымдагы елда Идел буе университетының ике спорт объектын ремонтлауга 200 миллион сумнан артык акча юнәлдереләчәк
Агымдагы елда Идел буе физкультура, спорт һәм туризм университетының ике спорт объектын ремонтлауга 200 миллион сумнан артык акча юнәлдереләчәк.
Ремонтка максатчан субсидияләр Россия спорт министрлыгы тарафыннан бүлеп бирелгән.
Федераль акчалар Су спорт төрләре сараен һәм Спортның ишкәк ишү төрләре үзәген ремонтлауга тотылачак.
Су спорт төрләре сараенда инде бассейннарны су әзерләү системасы һәм озонны билгеләү өчен автомат станция ремонтлана. Шулай ук өзлексез туклану чыганакларын, чишенү-киенү һәм душ бүлмәләрен, шулай ук түбәләрне һәм урам утларын ремонтлау буенча эшләр бара.
Спортның ишкәк ишү төрләре үзәгендә ишү бассейны бинасы, территорияне видеокүзәтү системасы, бинаны авария хәлендәге хәбәр итү системасы һәм «Регата» кунакханәсе бинасын ремонтлау бара.
Шунысын да билгеләп үтәргә кирәк, ике объект та XXVII Бөтендөнья студентлар Уеннарына әзерлек кысаларында төзелгән. Объектларда даими рәвештә Россия чемпионатлары уздырыла, ил җыелма командаларының төп һәм резерв составлары җыелышлары уза.