Җиде балалар бакчасын ремонтлауга Татарстан 203 млн сум акча юнәлдерәчәк
Татарстанның җиде балалар бакчасын ремонтлауга республика бюджетыннан 203 млн сум бүлеп биреләчәк. Тиешле тендер дәүләт сатып алулары сайтында урнаштырылган.
Документ нигезендә, ике мәктәпкәчә учреждение Казанда урнашкан – бу компенсацияләнә торган 155-нче номерлы билингваль балалар бакчасы һәм 231-нче номерлы катнаш төрдәге балалар бакчасы. Тагын берсе Баулыда – 1 нче «Алсу» балалар бакчасы.
Шулай ук Бөгелмәдә («Дельфин»), Олы Кайбычта («Миләшкәй»), Түбән Камада (аллергия авырулары булган балалар өчен карау һәм сәламәтләндерү 77 нче балалар бакчасы) һәм Чистайда («Кояшкай») урнашкан мәктәпкәчә учреждениеләр дә ремонтланачак.
Проектның заказчысы – Татарстанның Башинвестстрой, ул гаризаларны кабул итәчәк, тендерда агымдагы елның 16 июненә кадәр катнашырга мөмкин, ә 20 июньдә балалар бакчаларын агымдагы елның 1 декабренә кадәр ремонтларга тиешле җиңүче билгеләнәчәк.