Җәмгыять белеме буенча БДИ штат режимында узды
Җәмгыять белеме буенча БДИ штат режимында җитди өзеклекләр һәм тәртип бозуларсыз узды. Бу имтиханда катнашу өчен 9 июньдә 305 меңгә якын кеше теркәлгән, шуларның 300 меңгә якыны — агымдагы елны тәмамлаучылар. БДИ Россиянең барлык төбәкләрендә һәм чит илләрдә 4422 имтихан тапшыру пунктында узды.
БДИны оештырганда Роспотребнадзор тарафыннан тәкъдим ителгән эпидемиологик куркынычсызлык чаралары үтәлгән. БДИ үткәрү пунктлары һәм алар янәшәсендәге территорияләр Эчке эшләр министрлыгы һәм Росгвардия хезмәткәрләре тарафыннан сакланды. Имтихан барышын җәмәгать күзәтүчеләре һәм мәгариф һәм фән өлкәсендә күзәтчелек федераль хезмәте хезмәткәрләре күзәтте. Башлангыч мәгълүматларга караганда, җәмгыять белеменнән имтихан үткәрү тәртибен бозган өчен 23 кеше имтиханнан азат ителгән, аларның нәтиҗәләре гамәлдән чыгарылган.
Җәмгыять белеме буенча билгеләнгән минималь балл 42 балл тәшкил итә. Җәмгыять белеме буенча БДИда катнашучылар үз нәтиҗәләрен 24 июньнән дә соңга калмыйча беләчәкләр.
БДИ-2022нең төп чорын 14 июньдә биология буенча имтихан һәм чит телләр буенча БДИның язма өлеше дәвам итәчәк.