БДИ-2022нең төп чорындагы беренче имтиханнар нәтиҗәләре регионнарга җибәрелде
Быел БДИ беренче тапкыр урта гомуми белем бирүнең федераль дәүләт белем бирү стандарты нигезендә үткәрелә.
Федераль дәүләт белем бирү стандартлары гомуми белем бирүгә яңа алымнар билгеләде. ФГОС кысаларында фактларны, даталарны, формулаларны, теоретик белемнәрне өйрәнү генә түгел, ә аларны гамәли куллану да бар. Мәктәп баланы мөстәкыйль рәвештә яки башка балалар белән хезмәттәшлектә кирәкле мәгълүмат табарга, аны анализларга һәм системалаштырырга, мәгълүматларны комбинацияләргә, алар нигезендә гипотезалар төзергә һәм аларны тикшерергә, фикер алышырга, модельләштерергә, үз фикереңне дәлилләргә һ.б. өйрәтергә тиеш дип басым ясалды.
Россия мәктәпләрендә яңа белем бирү стандартлары 2011-2012 уку елыннан бирле кертелә. 2022 нче елда 1 нче сыйныфтан яңа белем бирү стандартлары буенча белем алган балалар 11 нче сыйныфны тәмамлады.
Уку нәтиҗәләренә карата таләпләр үзгәрү сәбәпле, барлык фәннәр буенча БДИның имтихан модельләре билгеле бер төзәтмәләр кичерде. Фәннәр буенча тикшерелә торган эчтәлек үзгәрмәде, әмма төрле мәгълүматны анализлау күнекмәләрен, үз фикереңне фикерләү һәм дәлилләү, гамәли мәсьәләләрне хәл итү өчен предметлы белемнәрне куллану һәм теләсә кайсы белгечлек буенча белем алуны дәвам итү өчен кирәкле киң универсаль осталыкларны куллану таләп итә торган биремнәргә зур игътибар бирелде.
2022 елда география, химия, әдәбият буенча БДИда катнашучыларның күбесе Россия Федерациясе Югары уку йортларына керү өчен җитәрлек нәтиҗәләр алдылар.