Татарстанда белем бирү учреждениеләре психологлары өчен форум узды
Казан шәһәре Совет районының 161 нче урта гомуми белем бирү мәктәбе базасында Татарстан мәгариф оешмаларының гамәли психологлары өчен «Мәгариф: психологик куркынычсызлык территориясе» дигән беренче республика белем бирү форумы узды.
Форумда заманча белем бирү оешмасының психологик куркынычсызлыгы территориясен булдыру, укучылар һәм ата-аналар арасында балалар ышаныч телефонын популярлаштыру, белем бирү оешмасының укучылары белән социаль-психологик тест һәм белем бирү мохитенең психологик куркынычсызлыгын мониторинглау нәтиҗәләре буенча педагог-психолог эшенең үзенчәлекләре каралды.
Республиканың әйдәп баручы белгечләре тәҗрибә уртаклашу максатыннан, укучыларның эмоциональ иминлеген формалаштыру, кризис очраклары белән эшләү һәм белем бирү оешмасы һәм ата-аналар арасында ышанычлы мөнәсәбәтләр урнаштыру буенча мастер-класслар үткәрделәр.
Форумның йомгаклау этабы булып "Мәгарифтә психологик хезмәт" («Мәгариф» милли проектын тормышка ашыру шартларында белем бирү процессын психологик-педагогик тәэмин итүнең нәтиҗәле коралы буларак педагог-психолог кабинеты) Республика конкурсы лауреатларын һәм җиңүчеләрен бүләкләү булды.