Татарстанда “Алан” күппредметлы җәйге мәктәбе сменасы тәмамланды
5 июльдән 22 июльгә кадәр Татарстан Мәгариф һәм фән министрлыгының «Дуслык» савыктыру-белем бирү комплексы базасында биология һәм физика буенча «Алан» V Казан (Бөтенроссия) җәйге күппредметлы мәктәбе узды.
Сменада катнашучылар-мәктәп укучыларының бөтенроссия олимпиадасының йомгаклау һәм региональ этабы һәм биология һәм физика буенча мәктәп укучылары республика олимпиадасының йомгаклау этабы призерлары һәм җиңүчеләре.
«Алан» мәктәбендә 26 муниципаль районнан, шулай ук Яр Чаллы һәм Казан шәһәрләреннән килгән балалар ял итте һәм укыды.
Биология һәм физиканың барлык бүлекләре буенча лекция һәм практик дәресләрне, укучыларның биология һәм физика буенча бөтенроссия һәм республика олимпиадаларында тәкъдим ителгән биремнәрнең төп төрләре һәм аларны үтәү ысуллары белән танышуны КФУның Фундаменталь медицина һәм биология институтының әйдәүче укытучылары, И.М. Сеченов исемендәге Мәскәү дәүләт медицина университеты, Мәскәү дәүләт университеты студентлары үткәрде.
Дәресләр «Дуслык» комплексының уку аудиторияләрендә һәм Казан федераль университетының Фундаменталь медицина һәм биология институтында узды.
Уку дәресләреннән тыш, балалар смена дәвамында төрле чараларда актив катнаштылар. Алар үзләрен менә дигән җырчылар, биючеләр, музыкантлар һәм актерлар буларак күрсәттеләр.
Балаларны ял итү һәм сәламәтләндерү өчен лагерьның вожатыйлары һәм физик культура буенча инструкторы тарафыннан футбол, волейбол, баскетбол, өстәл теннисы, шахмат буенча спорт ярышлары оештырылды.
«Алан» V Казан (Бөтенроссия) җәйге күп фәнни мәктәбенең биология һәм физика фәннәре буенча укырга керү Олимпиадасы һәм узган фәннәр буенча зачет нәтиҗәләре буенча югары белем дәрәҗәсе өчен дипломнар тапшырылды.