Фән һәм технологияләр өлкәсендә мәктәп укучылары өчен компанияләр һәм югары уку йортлары белән уртак чаралар 2022-2024 елларда оештырыла
2022-2024 елларда мәктәп укучыларын фәнни-техник иҗатка тарту проектын гамәлгә ашыру буенча чаралар планы тормышка ашырылачак. Аның максатларының берсе – техник һәм табигый-фәнни юнәлештәге өстәмә белем алу мөмкинлеген һәм сыйфатын арттыру.
План Россия Федерациясе Президентының укучыларны фәнни-техник иҗатка тарту һәм фән һәм технологияләр унъеллыгын үткәрү турындагы йөкләмәсе нигезендә эшләнгән.
План мәктәп укучылары өчен икътисадның реаль секторын һәм алдынгы фәнни институтларны җәлеп итеп чаралар үткәрүне, югары уку йортлары базасында технологик түгәрәкләр һәм үзәкләр челтәрен булдыруны, өстәмә белем бирү программаларын карап тотуны яңартуны күздә тота.
«Кванториум» балалар технопарклары, «IT-куб» балаларга белем бирү үзәкләре, өстәмә белем бирүнең төп үзәкләре, балалар һәм яшьләрдә сәләтле һәм талантларны ачыклау, аларга ярдәм итү һәм үстерү төбәк үзәкләре, югары белем бирү оешмалары пландагы чаралар өчен мәйданчык булачак.
Чара барышында укучылар югары уку йортлары, фәнни оешмалар, югары технологияле компанияләр вәкилләре җитәкчелегендә фәнни-техник иҗатта үз көчләрен сынап карый алачаклар. Укучылар экскурсияләр кысаларында Икътисадның реаль секторы предприятиеләре һәм оешмалары мәйданчыкларында булачаклар, фәнни укуларда катнашачаклар, үз проектларын икътисадның реаль секторы запросларын исәпкә алып эшләячәкләр һәм аларны иҗади презентацияләрдә күрсәтәчәкләр.