Алабугада мәктәп укытучыларының XII Халыкара фестивале узачак
2022 елның 15-17 августында Казан (Идел буе) федераль университетының Алабуга институты базасында Мәктәп укытучыларының XII Халыкара фестивале узачак.
Анда катнашу өчен Татарстан Республикасының һәм Россия Федерациясенең башка субъектларының башлангыч, урта һәм өлкән сыйныф укытучылары чакырыла. Фестиваль эшендә депутатлар, җәмәгать эшлеклеләре, фән һәм мәдәният эшлеклеләре, блогерлар, Россиянең һәм дус илләрнең әйдәп баручы югары уку йортлары галимнәре катнашачак. Элеккеге кебек үк, онлайн катнашу мөмкинлеге дә каралачак.
Фестивальнең максаты-педагогик хезмәткәрләрнең балаларны һәм яшьләрне тәрбияләүне оештыру өлкәсендә һөнәри тәҗрибә белән алмашуын оештыру; заманча таләпләр дәрәҗәсендә гражданлык-патриотик тәрбия бурычларын нәтиҗәле хәл итәргә мөмкинлек бирә торган тәрбия вакыйгаларының формаларын һәм эчтәлеген эшләү.
Фестиваль программасында укучылар белән гражданлык-патриотик эшчәнлекне оештыруның иң яхшы тәҗрибәсен презентацияләү конкурсын үткәрү планлаштырылган. Тулырак мәгълүмат Фестиваль сайтында: http://фестивальучителей.рф