Татарстан укучылары һәм студентлары «Вакыт боерыгы» конкурсында катнашырга чакырыла
«Интеграция» милли системасы гуманитар фәннәр буенча студентлар һәм мәктәп укучыларының иң яхшы фәнни эшенә «Вакыт боерыгы» бөтенроссия конкурсын башлап җибәрү турында игълан итә. Анда 14 яшьтән алып 25 яшькә кадәрге, фәнни һәм тикшеренү эшчәнлеге белән шөгыльләнүче укучылар катнаша ала.
Конкурсны үткәрүнең төп максаты - яшьләрне Россия Федерациясенең гуманитар, социаль һәм икътисадый өлкәләрдә милли куркынычсызлык стратегиясе тарафыннан игълан ителгән бурычларны хәл итүгә җәлеп итү.
Катнашучыларга үз идеяләре, эшләнмәләре яки тикшеренүләре белән проект төзергә һәм аны эксперт жюриларына түбәндәге юнәлешләр буенча бәя бирү өчен тәкъдим итәргә кирәк була: гуманитар, хокукый һәм икътисадый дисциплиналар буенча.
Конкурс ике турдан тора: көндезге һәм читтән торып. Беренче турга конкурс материаллары 7 ноябрьгә кадәр кабул ителә. Аның җиңүчеләре 2022 елның 30 ноябреннән 1 декабренә кадәр узачак XIII Бөтенроссия укучылар конференциясендә катнашу өчен чакырылачак.
Конкурс турында тулырак мәгълүмат белән оештыручылар сайтында танышырга мөмкин.