Халыкара төзелеш чемпионатында катнашучыларны сайлап алуның башлангыч этабы башланды
Казанда 2022 елның 5-8 октябрендә Халыкара төзелеш чемпионаты узачак. 25 июльдән 31 августка кадәр чемпионатта катнашучыларны сайлап алуның башлангыч этабы үткәрелә.
Халыкара төзелеш чемпионатының ярышлар программасында катнашучыларның өч категориясе бар: катнашучы оешма вәкиле, бәйсез катнашучы, профильле югары уку йортлары студентлары һәм көллиятләр студентлары.
Махсус чемпионат өчен методология һәм биремнәр эшләнгән - этапта катнашучы категориясеннән тыш, номинациягә дә бәйле. Катнашучы категориясенә карап, башлангыч этапны үткәрү схемасының берничә варианты бар.
Тулырак мәгълүмат алырга һәм катнашу өчен Халыкара төзелеш чемпионаты сайтында теркәлергә мөмкин: pro-wcc.ru/become-participant/.
Бәйсез катнашучылар һәм оешмалар вәкилләре өчен чемпионатның приз фонды 32 млн.сумнан артып китә, ә студентлар өчен 11 млн.сумнан артык тәшкил итә.