Татарстан ел саен «Безнең иң яхшы методист» грантына 50 млн сумнан артык акча бүлеп бирә
Татарстан бюджетыннан ел саен «Безнең иң яхшы методист» грантына 50 млн сумнан артык акча бүлеп бирелә. Түләү күләме 130 мең сум тәшкил итә. Мондый ярдәмне елына 300 гә якын кеше ала, дип хәбәр итте ТР Мәгариф һәм фән министры Илсур Һадиуллин беренче республика методистлар форумында.
Методик хезмәт хезмәткәрләренә грант ярдәме 2015 елдан бирле гамәлгә ашырыла, дип искәртте Һадиуллин. Аның сүзләренә караганда, быел 278 методист грант ала. Бу акчаларга методистлар яшь педагогларга профессиональ ярдәм күрсәтә, Түбән белем бирү нәтиҗәләрен күрсәтүчеләргә ярдәм итә алалар.
"Уңышлы укытучыга да ярдәм кирәк. Ул заманча тенденцияләр, яңа технологияләр, тәҗрибә уртаклашу өчен киңлек булдыру турында үз вакытында мәгълүмат җиткерүдән гыйбарәт", - дип ассызыклады Һадиуллин.