Әлмәттә балалар йортларында һәм мәктәп-интернатларда тәрбияләнүчеләр өчен гамәли иҗат конкурсында җиңүчеләрне билгеләделәр
Әлмәт балалар йортында Идел буе федераль округының «Балачакны кайтарырга» фестивале кысаларында балалар йортларында һәм мәктәп-интернатларда тәрбияләнүчеләрнең гамәли иҗаты конкурсының төбәк сайлап алу этабы узды.
Конкурска Татарстанның 10 балалар йортыннан һәм мәктәп-интернатыннан 29 шәхси эш тәкъдим ителгән иде. Конкурс эшләре өч номинация буенча бәяләнде: декоратив-гамәли иҗат, уенчыклар ясау, конструкцияләү, дизайн.
Осталарның осталыгын рәсем һәм декоратив-гамәли иҗатның төп юнәлешләрен тәкъдим итүче квалификацияле белгечләр кергән жюри бәяләде. Анда Әлмәт шәһәренең 1 нче балалар сәнгать мәктәбе, балалар һәм яшүсмерләр иҗаты үзәге, «Кванториум» балалар технопаркы педагоглары катнашты.
Конкурс нәтиҗәләре буенча призлы урыннарны алдылар:
«Декоратив-гамәли иҗат» номинациясендә:
I урын - Түбән Кама балалар йорты тәрбияләнүчесе;
II урын - Түбән Кама балалар йорты тәрбияләнүчесе;
III урын - Минзәлә интернат-мәктәбе укучысы;
«Уенчыклар ясау» номинациясендә»:
I урын - Алабуга балалар йорты тәрбияләнүчесе;
II урын - Лениногорск балалар йорты тәрбияләнүчесе;
III урын - Казан шәһәре Идел буе районы балалар йорты тәрбияләнүчесе;
«Конструкцияләү, дизайн» номинациясендә:
I урын - Лениногорск балалар йорты тәрбияләнүчесе;
II урын - Алабуга балалар йорты тәрбияләнүчесе;
III урын - Әлмәт балалар йорты тәрбияләнүчесе.
Быел Уфада узачак Идел буе федераль округының округ фестивалендә республикабыз данын 5 иң яхшы эш авторлары яклаячак.