ТР хәрәкәтенең яшь инспекторлары «Безопасное колесо» Бөтенроссия конкурсында җиңделәр
Татарстанлылар «Безопасное колесо» яшь инспекторлар Бөтенроссия конкурсының команда зачетында җиңделәр, икенче һәм өченче урыннарны Мәскәү һәм Төмән өлкәсе укучылары алды. Ярышның финалын ябу тантанасы Калугада узды, дип хәбәр итә Россия Мәгариф министрлыгының Матбугат хезмәте.
Ярышлар өчен һәр номинациядә станция төзелде, анда конкурсантлар үз осталыкларын күрсәттеләр. Аерым алганда, юл хәрәкәтен һәм беренче ярдәм күрсәтү нигезләрен белүгә индивидуаль имтихан тапшырдылар, махсус мәйданда велосипед белән идарә итә белүләрен күрсәттеләр.
Конкурста 12-14 яшьлек 336 укучы, Россиянең 84 төбәгеннән региональ этапларда җиңүчеләр катнашты.
Бу хәрәкәт 1973 елдан бирле эшли һәм Россия Федерациясенең барлык субъектларында 8 яшьтән 16 яшькә кадәрге 450 меңнән артык укучыны берләштерә.