Татарстанда «Кадет Приволжья - 2022» Спартакиадасында катнашучыларны бүләкләделәр
2022 елның 15 октябрендә Түбән Камада (Татарстан Республикасы) Идел буе федераль округының Советлар Союзы Герое Гани Сафиуллин исемендәге Татарстан кадет корпусы базасында «Кадет Приволжья - 2022» округ кадет корпусларының VI Спартакиадасы тәмамланды.
Ике көн эчендә балалар спорт, иҗади һәм интеллектуаль конкурсларда осталыкларын күрсәттеләр. Беренче көнне кадетлар строй һәм көч куллану әзерлегендә, җиңел атлетика дисциплиналарында ярыштылар. Балаларны Россиянең хәрби уставлар һәм хәрби тарих белемнәрен тикшерделәр. Ярышларда катнашучылар инша яздылар һәм ГИА форматында (дәүләт йомгаклау аттестациясе) комплекслы тест үттеләр.
Икенче көнне ату, граната ыргыту, автоматлар җыю һәм сүтүдә иң яхшыларны билгеләделәр.
Барлык конкурс дисциплиналарында җиңүчеләргә һәм призерларга дипломнар, медальләр һәм кубоклар, шулай ук истәлекле бүләкләр тапшырылды.