Онлайн-навигатор укучыларның әти-әниләренә шомлану белән көрәшергә ярдәм итәчәк
Бала мәктәпкә әзерме? Аның белән өй эшен эшләргә кирәкме? Билгеле бер яшьтәге балалар өчен нинди белем бирү программалары бар? Бу сорауларга җавапны табарга президент грантлары фонды ярдәмендә "Эврика" мәгариф сәясәте проблемалары институтын эшләүче онлайн-навигатор ярдәм итәчәк. Ресурс компьютер һәм мобиль телефон өчен версиядә кулланылачак.
- Һәр ата-ана бүген мәктәпкәчә яшьтәге балалар яки яшүсмерләр кризислары, баланың мәктәпне, яки конкрет укытучыны кабул итмәве, буллинг очраклары белән очраша, - дип билгеләп үтә "Эврика" белем бирү сәясәте проблемалары институтының фәнни җитәкчесе Александр Адамский. - Бу проблемаларны ата-аналар мөстәкыйль рәвештә хәл итәргә тырыша, чөнки аларны " беркем дә укымый һәм алар " өлгергәнлек имтиханнары" тапшырмый. Әни- әтиләр ярдәм эзлиләр һәм аңа мохтаҗлар, алар үз балалары өчен иң яхшы укыту программасын һәм иң яхшы мәктәпне сайларга омтылалар.
Адамский фикеренчә, ата-аналарның һөнәри экспертиза үткән сыйфатлы, тикшерелгән, заманча методикалар һәм программалар турында төгәл мәгълүматка керү мөмкинлеге булырга тиеш. Бу бигрәк тә теге яки бу сәбәпләр аркасында балаларны "гаиләдә белем бирүгә" күчерергә карар кылган әни-әтиләргә кагыла.
Цифрлы платформада нәрсә эшләргә мөмкин булачак? Баланың яшенә карап программа яки методиканы сайларга, аның буенча консультация алырга, "ашыгыч педагогик ярдәм" чакыртырга һәм экспертлар - педагоглар һәм психологлар белән фикер алышырга һәм барлык борчыган мәсьәләләр турында белешергә мөмкин .