Россия Мәгариф һәм фән министрлыгы стажеры
Студентлар һәм Мәскәү югары уку йортларын тәмамлаучылар өчен «Россия Мәгариф һәм фән министрлыгы стажеры» дәүләт гражданлык хезмәтенең кадрлар резервын әзерләү программасы старт ала. Сайлап алуны уңышлы узган катнашучыларны тәҗрибәле остазлары җитәкчелегендә Министрлыкта стажировка көтә. Ә иң сәләтле һәм перспективалы чыгарылыш укучылары - һөнәри әзерлек һәм кадрлар резервына эләгә.
Проект Россия Президенты тарафыннан педагог һәм остаз елы дип игълан ителгән 2023 елда гамәлгә ашырылачак.
Стажировка программасында катнашуга заявканы Мәскәү университеты студентлары, шулай ук 2022 елгы башкала вузларын тәмамлаучылар бирә ала. Моның өчен аларга 1 - 31 декабрьгә кадәр проектның рәсми сайтында теркәлергә һәм үзләре турында гомуми мәгълүмат тутырырга кирәк. Сайлау вакытында өстәмә бонус буларак югары уку йортыннан тәкъдим хатлары, конференцияләрдә катнашу, фәнни басмаларда чыккан публикацияләре исәпкә алыначак.
Проектның 30 җиңүчесе 2023 елның 9-10 мартында билгеләнә. Алар 4,5 ай дәвамында Россия Мәгариф һәм фән министрлыгы департаментында укыту һәм стажировка узачак, ул 3 этапка үтәчәк:
- март- апрельдә проектта катнашучыларны академик әзерлек көтә,
- июльдән сентябрьгә кадәр остазлар белән стажировка узу,
- сентябрьдә стажерларга йомгаклау аттестациясен узачаклар
Программага йомгак ясау һәм кадрлар резервы исемлеген булдыру 2023 елның сентябрь ахырына планлаштырылган.