Рособрнадзор 2023 елга мәктәпләр өчен Бөтенроссия тикшерү эшләре расписаниесен раслады
Мәгариф һәм фән өлкәсендә күзәтчелек буенча федераль хезмәт боерыгы белән 2023 елда гомумроссия тикшерү эшләрен үткәрү расписаниесе расланган.
Бөтенроссия тикшерү эшләре 1 марттан 20 майга кадәр узачак. Һәр сыйныф һәм мәктәп предметы өчен Бөтенроссия тикшерү эшләрен уздыруның конкрет даталарын билгеләнгән чор расписаниесе кысаларында мөстәкыйль билгелиләр.
2023 елда 10 һәм 11 сыйныфлар өчен Бөтенроссия тикшерү эшләрен үткәрү башланачак . 1 марттан 25 мартка кадәр унынчы сыйныф укучылары география, унберенче сыйныф укучылары - тарих, биология, география, физика, химия, чит телләр (инглиз, немец яки француз), шулай ук социаль-гуманитар фәннәр буенча бердәм тикшерү эшен тапшырачак. Бөтенроссия тикшерү эшләрен уздыру-үткәрү 10 һәм 11 сыйныф укучылары өчен, алдагы еллардагы кебек үк, мәгариф оешмалары үзләре хәл итәчәк. Унберенче сыйныф укучыларының тикшерү эшләре, БДИ формасында тапшыру өчен сайлап алмаган предметлар буенча үткәрелергә тиеш.
2023 елның 15 мартыннан 20 маена кадәр 4-8 нче сыйныф укучылары өчен Бөтенроссия тикшерү эшләре узачак. Һәр параллельдә рус теле һәм математика буенча ул мәҗбүри булачак. 4 нче сыйныф укучылары шулай ук мәҗбүри тәртиптә , «Әйләнә-тирә дөнья» предметы буенча, биология һәм тарих буенча 5 нче сыйныф укучылары, 7 нче сыйныф укучылары - чит тел (инглиз, немец яки француз теле) буенча Бөтенроссия тикшерү эшләрен язачаклар.