Россиядә бердәнбер тиз уку курсын КФУ студенты эшләде
Казан федераль университеты студенты Маликә Хәйрулла татар телендә тиз уку курсы эшләде. Әлегә ул Россиядә бердәнбер. "Тиз уку" проекты "КФУ ел студенты - 2022" конкурсының "Иң яхшы студентлар инициативасы" номинациясендә җиңде, дип хәбәр итә вузның матбугат хезмәте.
Кызганыч, татар телендә тиз уку курслары әлегә кадәр юк иде. Рус телле методикалар нигезендә тиз укуны төзү омтылышлары татар телле текстларны укыганда тиешле нәтиҗәгә тигез бирелми яки мәгълүматны ике телдә дә үзләштерү өчен зур көч таләп итә. Нәкъ менә шуңа күрә мин туган тел үзенчәлекләрен исәпкә алып, татар телендә тиз уку буенча үз курсымны эшләргә булдым», - диде студент кыз.
Ул ассызыклаганча, тиз укуга өйрәтү өчен, тел үзенчәлекләренә туры китереп, текстлар төзергә һәм сайларга кирәк. «Мин татар телендә тизләнешнең синтаксик, морфологик, лексик һәм психологик үзенчәлекләрен ачыкладым. Нәкъ менә шушы белемнәр нигезендә тиз укуның авторлык методикасын төзергә карар кылынды, - дип аңлатты Хәйрулла.