Россия Мәгариф һәм фән министрлыгы 2035 елга кадәр фәнни-популяр туризмны үстерү концепциясен раслады
РФ Фән һәм югары белем министрлыгы 2035 елга кадәр фәнни-популяр туризмны үстерү концепциясен раслады, анда бу юнәлешне үстерү перспективалары язылган, шулай ук югары уку йортларының, фәнни-тикшеренү үзәкләренең һәм регионнарның туристлык продуктларын формалаштырудагы роле күрсәтелгән. Документ белән сылтама буенча танышырга мөмкин.
Концепция фәнни-популяр туризмны, шул исәптән яшьләр һәм балалар туризмын үстерүнең төп механизмнарын планлаштыру һәм билгеләү өчен нигез булачак. Ул фәнни-популяр туризмны тәэмин итү өчен кадрлар әзерләүне үз эченә ала, максатчан аудиторияне, вузларның, фәнни-тикшеренү үзәкләренең һәм регионнарның маршрутлар формалаштыруда ролен, шулай ук финанс белән тәэмин итүне һәм башка бик күп нәрсәләрне тасвирлый.
Концепциядә әйтелгәнчә, фәнни-популяр туризм киң аудиториягә фәнни тикшеренүләр атмосферасы бирәчәк, галимнең эше турында ачык күзаллау булдырырга ярдәм итәчәк һәм бу өлкәне тулаем популярлаштырачак.