«Формируя будущее» форумында чит ил делегацияләрен кайбер проектлар аеруча кызыксындырды
Мәгариф өлкәсендә берничә Россия проекты Казанда үткән «Формируя будущее» мәгариф министрларының беренче Халыкара форумында катнашучыларда кызыксыну уятты. Иң популярлары арасында - "Россия укытучысы чит илдә" һәм "Россия электрон мәктәбе" проектлары, шулай ук БДИ уздыру һәм эшче кадрлар әзерләү технологияләре. Рәсми булмаган очрашуда Россиянең мәгариф министры Сергей Кравцов катнашучыларга хезмәттәшлек кысаларында аеруча кызыксыну уята торган 20дән артык тематик юнәлешне сайларга тәкъдим итте. «Формируя будущее» форумында 30дан артык дустанә илдән делегация катнашты. Ул билгеләп үткәнчә, чит ил коллегалары урта һөнәри белем бирүне үстерү мәсьәләләре буенча хезмәттәшлек итүдә зур кызыксыну белдергән, шул исәптән форумда катнашучылар эшче белгечләрен әзерләү буенча методикалар алмашуны оештыру турында фикерләрен җиткерделәр.