Сергей Кравцов форумның төп нәтиҗәсе дип илләрнең үзара хезмәттәшлеккә әзерлеген атады
Россиянең мәгариф министры Сергей Кравцов «Формируя будущее» мәгариф министрларының халыкара форумы кысаларында Төрекмәнстан, Абхазия, Үзбәкстан, Таҗикстан, Көньяк Осетия мәгариф министрлыклары вәкилләре белән күп яклы очрашу үткәрде. Очрашуда катнашучылар гамәлгә ашырылган уртак проектлар турында фикер алыштылар һәм алга таба хезмәттәшлек итү планнарын билгеләделәр.
Үзбәкстан Республикасының мәктәпкәчә һәм мәктәп белеме министры урынбасары Узокбой Бегимкулов Низами исемендәге Ташкент дәүләт педагогика университеты һәм А.И.Герцен исемендәге Россия дәүләт педагогика университетының педагогика һәм психологиягә багышланган уртак халыкара фәнни журнал оештыруны планлаштырулары турында сөйләде. Ул Үзбәкстанда рус телендә белем бирүнең өч үзәге эшләве турында өстәде, анда белем бирү чаралары, студентлар өчен семинарлар уздырыла. Декабрьдә аларның берсендә Россия-үзбәк белем бирү конференцияләре узачак.