Химия, география һәм әдәбияттан БДИ нәтиҗәләре буенча югары баллчылар саны узган ел белән чагыштырганда арткан – Кравцов
"Беренче тапкыр өч предмет буенча булган мәгълүматлар турында әйтәм - ул әдәбият, химия һәм география. Әдәбият буенча нәтиҗәләр узган елга караганда югарырак. Быел уртача балл - 63,97, узган ел - 60,73 иде. Ягъни без әдәбият белән дә кызыксынабыз", - диде Кравцов "Россия 24" (ВГТРК) телеканалына биргән интервьюсында.
Ул әдәбият буенча югары баллчылар саны артуын өстәде. Узган ел алар - 18,5% булса , быел 25%. Министр аңлатканча, БДИ өчен 80 нән күбрәк балл җыйган кешеләр югары баллчылар дип санала.
Ул шулай ук, быел химия буенча уртача балл 56,2, узган ел 54,2 булды, диде. "Югары баллылар саны 4% ка арткан: былтыр 14% иде, быел 18%", - дип билгеләде министр. География нәтиҗәләре узган ел белән чагыштырырлык, дип өстәде ул. 2022 елда уртача балл 54,5, 2023 елда - 54,6 тәшкил иткән. Шул ук вакытта бу фән буенча югары баллчылар саны артты. Узган ел 5,9%, быел - 6,6%.
БДИның төп чоры химия, әдәбият һәм география имтиханнарыннан башланды. Рособрнадзор мәгълүматлары буенча бу имтиханнарда катнашуга якынча 150 мең чыгарылыш сыйныф укучысы теркәлгән.
Быел БДИ тапшыруның төп чоры 26 майдан 1 июльгә кадәр уза, 22 июньнән 1 июльгә кадәр көннәр резерв буларак билгеләнгән.