Россиядә Камил Вәлиев исемендәге стипендия булдырылды
Хөкүмәт академик Камил Вәлиев исемендәге стипендияне гамәлгә куйды. Яңа уку елыннан аны Россия югары уку йортларының талантлы студентлары һәм аспирантлары алачак. Бу хакта Кабминның телеграм-каналында әйтелә.
Стипендиягә бакалавриатның көндезге формасы студентлары һәм икенче һәм аннан соңгы курсларда укучылар, магистратураның теләсә кайсы курс студентлары, шулай ук аспирантлар дәгъва итә алачак. Моннан тыш, аны электрон сәнәгать өлкәсендә фәнни публикацияләр һәм тикшеренү эшләре авторлары, халыкара яки бөтенроссия олимпиадаларында җиңүчеләр һәм призерлар, "Электрон сәнәгать өчен кадрлар һәм фәнни фундамент әзерләү" федераль проектында катнашучылар алачак.
"Студентлар өчен ай саен 55 мең сум 50 стипендия каралган, 30 аспирантка ай саен 75 мең сум стипендия", - диелә хәбәрдә. Конкурста сайлап алу нәтиҗәләре буенча кандидатларны Россия Мәгариф һәм фән министрлыгы билгеләячәк.
Белешмә өчен:
Камил Вәлиев (1931-2010) - микроэлектроника өлкәсендә илебез фәнни мәктәбенә нигез салучыларның берсе, профессор, РФА Физик-технология институтының фәнни җитәкчесе, СССР Фәннәр академиясе академигы, РФА академигы. Татарстан АССРның Мамадыш районы туып-үскән.