Халыкара мәктәп олимпиадаларында җиңүчеләр һәм аларның педагоглары өчен Казан мэры премиясе гамәлгә куелды
Бүләкләүнең яңа төре интеллектуаль сәләтле балаларга ярдәм итү һәм аларның мөмкинлекләрен киңәйтү өчен Илсур Метшин карары буенча кертелә. Тиешле карар ТР башкаласының муниципаль берәмлеге документлар һәм хокукый актлар җыентыгында бастырылган.
Премияләр гомумбелем бирү предметлары буенча халыкара олимпиадаларда җиңүчеләргә - Россияне тәкъдим иткән җыелма командалар әгъзаларына һәм балаларны әзерләгән педагогларга биреләчәк. Премия күләме укучыларның иң югары нәтиҗәләре буенча билгеләнә. Әйтик, алтын медальләр ияләренә 300 мең сум, икенче һәм өченче урыннарны алган мәктәп укучыларына 250 һәм 200 мең сум (салым акчаларын да кертеп) каралган.
Халыкара олимпиадаларда җиңүчеләрне әзерләгән педагоглар шулай ук Казан Мэры премиясенә дәгъва итә ала. Премия күләме укучының нәтиҗәләре буенча билгеләнәчәк. Әйтик, алтын медаль иясе әзерләгән өчен укытучы 300 мең сум алачак, көмеш һәм бронза өчен 250 һәм 200 мең сум.