Чаллы "Кванториум"ы мастер-класслары Мәскәүдә һәм Казанда узачак

2024 елның 16 гыйнвары, сишәмбе

Чаллының «Кванториум» балалар технопаркы педагоглары командасы бу атнада ике зур чарада мастер-класслар уздырырга әзерләнә.

19 гыйнварда Мәскәүдә «Россия» Халыкара күргәзмә-форумы мәйданчыгында «Родные-Любимые» Бөтенроссия гаилә форумы узачак, аның кысаларында Гаилә елына старт биреләчәк. Форум кунаклары өчен «Нейротехнология», «Робототехника» һәм «Автомоделирование» юнәлешләре буенча мастер-класслар күрсәтеләчәк.

Шул ук көнне Казанда Республика гаилә фиджитал-фестивале ачылачак, анда  нейроармрестлинг буенча ярышлар узачак.