Классик сәнгать мәсьәләләре буенча "Мәдәни марафон" РФ нең барлык субъектлары мәктәп укучылары өчен үткәреләчәк
4 ноябрьдән 8 декабрьгә кадәр “Мәдәни марафон”ның финал этабында катнашу өчен теркәлү узачак, бу- мәдәният һәм технологияләргә багышланган укучылар өчен ел саен үткәрелә торган агарту чарасы. Ул РФ Мәгариф министрлыгы, РФ Мәдәният министрлыгы һәм «Яндекс»ның уртак проекты.
Мәктәп укучылары өчен тематик тест әзерләнгән, ул марафонның алдагы этапларына нәтиҗә ясаячак. «Русские классики через призму технологий» темасына сораулар өч категориядә бирелгән: кече (7-10 яшь), урта (11-14 яшь) һәм өлкән (15 яшьтән). Тест сорауларына җавап бирү өчен катнашучыларга тапкырлык күрсәтергә, шулай ук логик фикерләүне кулланырга кирәк булачак. Тест материаллары һәр конкурсант рус классик мәдәнияте турында ниндидер яңа нәрсә белә алсын өчен сайлап алынган.
Конкурсның төп максаты - классик сәнгать һәм заманча технологияләр бәйләнешен күрсәтү, шулай ук укучыларны мөстәкыйль иҗади эзләнүләргә рухландыру.
2024 елда марафон 6 июньдә, Александр Пушкинның туган көнендә старт алды. Программага викториналар, мастер-класслар, әдәбият, музыка һәм рәсем сәнгате буенча иҗади биремнәр кертелгән иде. «Мәдәни марафон»га йомгак декабрьдә ясалачак.