Казанда көллият һәм техникум студентлары арасында хәрби-спорт уеннары узды

2024 елның 5 ноябре, сишәмбе

2 ноябрьдә «Патриот» республика үзәгендә һөнәри белем бирү оешмалары студентлары арасында «Геройлар узышы» шәхси-команда ярышлары узды.

Бөтен республикаданҗиңүгә ышанган ун команда, иллеләп кеше катнашты. Ярышлар ике этапта узды: I муниципаль этап - 1 ноябрьгә кадәр Татарстан муниципаль районнарында ярышларның зона этаплары уздырылды, II этап - республика этабы.

Анда зона ярышларында беренче һәм икенче урыннарны алган командалар катнашты. Ярыш йомгаклары буенча гомумкоманда зачетында Нурлат аграр техникумы командасы җиңү яулады. Икенче урынны - Г.Тукай исемендәге Арча педагогика көллияте командасы, өченче урынны Лаеш техник-икътисадый көллияте командасы алды.