Татарстан барлык планлаштырылган мәгариф объектларында капиталь ремонт тәмамланган төбәкләр исемлегенә керде
"Бердәм Россия" мәгариф министрлыгына 2025-2027 елларда капремонтясау өчен мәгариф объектлары исемлеген тапшырды. Партия эшләрне озата баруны аерым контрольгә алачак, дип ассызыклады «Бердәм Россия» Генераль советы секретаре вазыйфаларын вакытлыча башкаручы Владимир Якушев мәгариф объектларын капиталь ремонтлау программасы буенча Бөтенроссия киңәшмәсендә. Ул Волгоградта министр Сергей Кравцов катнашында видеоэлемтә аша узды. Владимир Якушев Юлламада Президент балалар бакчаларына һәм урта һөнәри белем бирү учреждениеләренә программаны киңәйтү турында игълан итүен искәртте.
Ул билгеләп үткәнчә, капиталь ремонт программасын гамәлгә ашыру чорында - 2022 елдан башлап 4,5 меңгә якын мәктәп бинасы яңартылган. 406 - быел. Агымдагы ел ахырына тагын 280 мәктәп бинасын файдалануга тапшыру планлаштырыла. «Яңа мәктәп» партиясенең Татарстан Республикасындагы иҗтимагый советы рәисе, Татарстан Республикасы мәгариф һәм фән министры урынбасары Минзәлия Закирова әйтүенчә, бүгенге көнгә Татарстанда барлык мәгариф объектларына - шул исәптән 21 балалар бакчасы һәм 51 мәктәп һәм мәгариф үзәкләренә капремонт тәмамланган.
Шулай ук партия ярдәме белән Президентның «Мәгариф»илкүләм проектын гамәлгә ашыра башлаганнан бирле 1300 яңа мәктәп төзү турындагы йөкләмәсе вакытыннан алда үтәлде. Моннан тыш, партия капремонт программасын гамәлгә ашыруга федераль бюджеттан финанслауны тәэмин итә.