Дмитрий Чернышенко: Мәктәпләрдә балалар туклануының сыйфатын арттыру буенча стандартлар әзерләргә кирәк
Россия Хөкүмәте Рәисе урынбасары Дмитрий Чернышенко рәислегендә мәктәпләр һәм балалар бакчалары өчен азык-төлек сатып алуларын оештыруга бердәм универсаль таләпләр билгеләү, шулай ук балалар туклануы мәсьәләләре буенча дәүләт контролен тәэмин итү буенча эшлекле төркем утырышы булды.
Чарада Россия Федерациясе Федераль Собраниесе Дәүләт Думасы Рәисе урынбасары, эш төркеме рәисе урынбасары Ирина Яровая, Россия Мәгариф министрлыгы, Россия Финанс министрлыгы, Роспотребнадзор, Россельхознадзор, Федераль монополиягә каршы хезмәт һәм башка ведомстволар вәкилләре катнашты.
Утырыш барышында катнашучылар мәгариф учреждениеләрендә кайнар туклануны оештыру системасын мониторинглау һәм яхшырту, ачыкланган хокук бозу очракларын анализлау буенча фикер алыштылар. Дмитрий Чернышенко кире элемтә өчен цифрлы сервисларны куллануны активлаштырырга һәм өстәмә рәвештә регионнарның уңай мисалларын өйрәнергә кирәк дип басым ясады.