Мамадыш балалар бакчасы «Бумбатл» бөтенроссия акциясендә җиңү яулады

2024 елның 18 ноябре, дүшәмбе

5 нче «Бәләкәч» Мамадыш балалар бакчасы «Балалар бакчалары» категориясендә «Бумбатл» бөтенроссия акциясендә җиңүче булды. Мәктәпкәчә учреждение 6,7 тонна макулатура җыйган.

Икенче урында - «Медвежонок» 31 нче балалар бакчасы (Түбән Варты автономияле округыннан (Югра) (6,4 тонна). Шул ук категориядә өченче урынны Татарстаннан Бөгелмәнең “ Әкият” балалар бакчасы (5,3 тонна) алды.

Акциянең бишенче сезоны кысаларында бөтен ил буйлап 144 мең тонна кәгазь калдыклары җыеп эшкәртүгә тапшырдылар. Акциядә РФнең барлык субъектларыннан 3 миллионнан артык кеше катнашкан.

Татарстан акциядә актив катнашучыларның берсе. Нәтиҗәләре буенча Татарстан Республикасы Россия буенча алтынчы урынны алды.

"БумБатл" акциясе "Экология" илкүләм проекты буенча уза.