Төбәк мәгариф идарәсе органнары матбугат сәркатибләре өчен Бөтенроссия укыту семинары узды
15 ноябрьдә «Россия» милли үзәгендә мәгариф идарәсенең төбәк органнары матбугат сәркатипләре өчен Бөтенроссия семинары узды. Аны оештыручылар Россия Мәгариф министрлыгы һәм “Россия Федерациясе Мәгариф министрлыгының агарту инициативалары үзәге” федераль дәүләт автоном учреждениесе.
Семинарда катнашучыларны РФ Мәгариф министры киңәшчесе Владимир Желонкин сәламләде. " Бу илебездә дүртенче тапкыр үткәрелә. Безгә коммуникация стратегиясе буенча фикер алышырга, төрле максатчан аудиторияләр белән нәтиҗәле хезмәттәшлекне оештырырга, тәҗрибә һәм иң яхшы практикалар белән уртаклашырга кирәк булачак», - дип билгеләп үтте ул.
Семинарда РФ төбәкләре вәкилләре, шулай ук коммуникацияләр өлкәсендәге экспертлар, массакүләм мәгълүмат чаралары, фәнни берләшмәләр һәм үсеш институтлары вәкилләре катнашты.
Россия Мәгариф министрлыгының цифрлы трансформация департаменты директоры Андрей Горобец мәгариф системасында заманча мәгълүмат технологияләрен куллану турында сөйләде.
Бөтенроссия семинары мәгариф идарәсенең төбәк органнары матбугат сәркатипләре өчен Россия Мәгариф министрлыгы эшчәнлегенең төп темаларына, вакыйгаларына һәм юнәлешләренә медиакүзәтү уздыручы белгечләргә методик ярдәм күрсәтү максатыннан оештырылды.
Аны үткәрү иң яхшы тәҗрибәләрне популярлаштыруга һәм тәҗрибә алмашуга юнәлдерелгән, ул заманча мәгариф киңлегендә коммуникациянең нәтиҗәле стратегияләрен эшләп чыгарырга мөмкинлек бирәчәк.