Тарих буенча бөтенроссия олимпиадасында җиңүчеләр һәм призерларга дипломнар тапшырылды
Владикавказда тарих буенча Бөтенроссия олимпиадасының йомгаклау этабы тәмамланды. Финалда илнең 81 төбәгеннән, Запорожье өлкәсен һәм Донецк Халык Республикасын да кертеп, 343 укучы катнашты. Ярышлар йомгаклары буенча 26 бала җиңүче, 133 укучы призер булды.
Иң яхшы нәтиҗәләрне Мәскәү, Мәскәү өлкәсе, Санкт-Петербург, Татарстан, Краснодар крае һәм Ростов өлкәсе укучылары күрсәтте.
Олимпиаданың ябылу тантанасында Төньяк Осетия - Алания республикасы башлыгы Сергей Меняйло, РСО –Алания мәгариф һәм фән министры Элла Алибекова, СОДУ ректоры Алан Огоев катнашты.
Укучыларга тарих буенча бөтенроссия олимпиадасында җиңүчеләр дипломнарын Мәскәү дәүләт университетының тарих факультеты президенты академик Сергей Карпов тапшырды.
Финалга чыгучылар өчен Төньяк Осетия һәм Владикавказ буенча экскурсияләр оештырылды, РСО - Алания Милли музеенда, «Нарты» ат-драма театрында булдылар. Шулай ук республика традицияләре һәм тарихы белән танышу максатында мастер-класслар, семинарлар һәм агарту чаралары оештырылды.