Иннополис Университетында республика робототехника олимпиадасы узды
Иң яхшы нәтиҗәләр күрсәткән катнашучылар Татарстан Республикасы җыелма командасына керәчәк, ул 24-26 июньдә Мурманскида үтәчәк Россия робототехника олимпиадасының йомгаклау этабында чыгыш ясаячак.
Төбәк этабын оештыручылар - Татарстан Республикасы Мәгариф һәм фән министрлыгы, «Республика мәктәптән тыш эш үзәге» ДБУ һәм Иннополис Университеты.
Россия ИТ-югары уку йорты базасында узган ярышларда Татарстан, Марий Эльдән, Түбән Новгород өлкәсеннән, Чуаш Республикасыннан һәм Мәскәүдән 137 укучы катнашты.
Иннополис Университетында республика робототехника олимпиадасы яшь инженерлар һәм программистлар өчен зур вакыйга булды.
Оештыручылар җиңүчеләрне һәм призерларны котладылар, шулай ук төбәктә робототехника үсешенә өлеш керткән өчен барлык катнашучыларга, педагогларга һәм экспертларга рәхмәтләрен белдерделәр. Россия робототехника олимпиадасында Татарстан Республикасы җыелма командасына уңышлары телибез!