ТР Мәгариф һәм фән министрлыгы башлыгы: “Туган тел” һәм “туган әдәбият” төшенчәсе сакланып калды
ТР Мәгариф һәм фән министрлыгы РФ Мәгариф һәм фән министрлыгы белән туган тел сәгатьләрен кыскарту мәсьәләсе буенча эш алып барыла. Бу хакта ТР мәгариф һәм фән министры Илсур Һадиуллин ТР Хөкүмәт йортында узган брифингта хәбәр итте.
И.Һадиуллин уку планының биш варианты бар, дип аңлатты. «Беренче һәм икенче вариантларда туган тел юк. Әмма республикада алар кулланылмый. Бездә уку планының өченче, дүртенче һәм бишенче вариантлары ", - дип ачыклык кертте ул.
Министр сүзләренә караганда, элек туган телне һәм әдәбиятны өйрәнүгә уку планының өченче һәм дүртенче вариантларында атнага ике сәгать, бишенчесендә өч сәгать булган. Уку планының бишенче варианты милли мәктәпләр өчен каралган, анда туган телгә ике сәгать һәм әдәбиятка бер сәгать бирелә.
"Мәсәлән, максималь йөкләнеш - уку планының беренче һәм икенче вариантлары өчен 21 сәгать, ә өченче, дүртенче һәм бишенче вариантлар өчен - 20 сәгать. Ягъни бер сәгатькә азрак - элек 21 сәгать иде. Без бу турыда сөйлибез. Әмма мин әлегә бернинди куркынычларны күрмим ", - дип ассызыклады ул.