"Абилимпикс"та катнашучылар Россиянең инклюзив потенциалын үстерү турында фикер алышачак
2025 елның 31 октябреннән 2 ноябренә кадәр Мәскәүдә инвалидлар һәм сәламәтлек мөмкинлекләре чикләнгән затлар арасында һөнәри осталык буенча Милли чемпионаты кысаларында «Тимирязев Центр» укыту-күргәзмә комплексы мәйданчыгында эшлекле программа узачак.
Өч көн дәвамында чара хакимият органнары, бизнес, мәгариф һәм коммерциячел булмаган сектор вәкилләре арасындагы төп мәйданчык булачак. Катнашучыларны пленар утырыш, түгәрәк өстәлләр, дискуссияләр, воркшоплар һәм Россиядә инклюзиянең иң актуаль мәсьәләләренә багышланган эшлекле уеннар көтә.
«От вызовов к решениям: стратегия роста инклюзивного потенциала России через движение «Абилимпикс» пленар утырышы 31 октябрьдә узачак. Анда Россия Мәгариф министрлыгы һәм "Ватанны саклаучылар" МХО катнашучыларына ярдәм Дәүләт фонды вәкилләре, әйдәп баручы эш бирүчеләр - чемпионат партнерлары катнашачак.
Чемпионатның йомгаклау көнендә катнашучылар инвалидларны профориентацияләүнең һәм эшкә урнаштыруның халыкара тәҗрибәсе, хәйрия системасын үстерүдә хатын-кызлар бизнес-бергәлеге роле, чемпионат компетенцияләре исемлеген киңәйтү буенча фикер алышачак.
2025 елда "Абилимпикс" чемпионаты «Нет предела – действуй смело!»девизы астында узачак.