Әлмәт укучылары МХО сугышчылары һәм ятим балалар өчен 500 дән артык пижама теккәннәр

2025 елның 28 октябре, сишәмбе

Әлмәт шәһәренең 5 нче гимназиясендә технология һәм ИЗО укытучысы Нина Милослова җитәкчелегендә укучылар тегү осталыгын үзләштерәләр һәм бер үк вакытта игелекле эш башкаралар - махсус хәрби операциядә катнашучыларга һәм балалар йортларында тәрбияләнүчеләргә ярдәм итәләр.

Район хакимиятендә әйтүләренчә, укучыларның ата-аналары инициативаны күтәреп алган. «Көзге изгелек атнасы» хәйрия ярминкәсе барышында тукыма һәм биш яңа тегү машинасы сатып алуга акча җыя алганнар. Җыелган акчаларның бер өлеше «Гранит» танк батальонына җибәрелгән, гимназия актив гражданлык позициясе һәм чын күңелдән ярдәм иткән өчен рәхмәт хаты алган.