Татарстаннан МХО ветераннары Мәскәүгә «Абилимпикс» чемпионатының финалына китте
30 октябрьдән 2 ноябрьгә кадәр Мәскәүдә «Абилимпикс» милли чемпионатының финалы узачак, анда Татарстаннан сайлап алу этабын уңышлы үткән 16 махсус операция ветераны катнаша. Бу хакта "Ватанны саклаучылар" фонды матбугат хезмәте хәбәр итә.
Җиңүгә дәгъва итүчеләр арасында пешекчеләр, вокалистлар һәм фотографлар, веб-разработчик, эретеп ябыштыручы, слесарь, БПЛА операторлары, сәнәгать робототехникасы өлкәсендәге белгечләр, электрон җиһазларны җыю һәм сүтү, шулай ук автомобильләрне ремонтлау һәм аларга хезмәт күрсәтү буенча белгечләр бар.
Бүген катнашучылар рәсми экипировка комплектларын алдылар. СВО ветераны, "Поварское дело" компетенциясендә финалчы Денис Яшманов финалга юл җиңел булмады, ди.
«Абилимпикс» чемпионаты РФ Мәгариф министрлыгы һәм «Россия - мөмкинлекләр иле» президент платформасы, шулай ук «Яшьләр һәм балалар» илкүләм проекты кысаларында «Профессионалитет» федераль проекты ярдәмендә уздырыла.