Татарстанда яшь галимнәр өчен премияләр санын һәм күләмен арттырдылар

2025 елның 29 октябре, чәршәмбе

Татарстанда яшь галимнәргә ярдәм итү өчен республика премияләренең саны һәм күләме артты. Татарстан Республикасы Министрлар Кабинетының тиешле карарына республика Премьер-министры Алексей Песошин кул куйды.

Хәзер 12 премия урынына ел саен 40 премия биреләчәк, ә лауреатларны акчалата бүләкләү 44 мең сумнан 138,2 мең сумга кадәр артачак.

Премияләр бирелә торган юнәлешләр саны 12 дән 20 гә кадәр арта. Һәр юнәлеш буенча ике лауреат бүләкләнәчәк.